PoetryKafe - Urdu Poetry

Raat bhi sari jaagtay huay guzri
Shab e gham mein shama jalatay huay guzri

Apni nakamiyon pay afsoos kartay huay
Aakhiyon say aaskh bahatay huay guzri

Ghamon say bharay es totay huay dil ko
Dukhon say apnay bhelatay huay guzri

Jo chor gaya tanha safar pay mujeh ko
Ausi ek bewafa ko bhulatay huay guzri

Woh na aaye gay phir laut kay yahan
Yeahi baat dil ko samjhatay huay guzri

Har lamha qayamat ki manand tehra
Har ghari maan ko tarpatay huay guzri

Khazan kay es phelay huay mausam mein
Saba bhi apni nazrein churatay huay guzri

Andheron nay apni dastaan sunayee mujeh ko
Roshni bhi apni kahani sunatay huay guzri

Kuch yaadon nay needein na aanay dein kuch
Ratjagon ki barish mein nahatay huay guzri

Kab ka bhula dia tha mein nay jeisay kal
Hawa bhi ausi geet ko gungunatay huay guzri

Khuwabon kay sahil pay teray naam ko
Kabhi likhtay tuo kabhi mitatay huay guzri

Nafrat aur pyaar ki kashmakash mein yeh zindagi
Kuch rotay guzri tuo kuch muskuratay huay guzri

(6 votes, average: 4 out of 5)

 Loading ...